Nagdugang og mga pwersa ang Philippine Army aron masiguro ang seguridad sa kauna-unahang Bangsamoro Autonomous Region in Muslim Mindanao (BARMM) parliamentary elections nga pagahimoon karong Setyembre 14, 2026.
Nagkanayon si Army spokesperson Col. Louie Dema-ala nga adunay dugang nga mga sundalo gikan sa 28th Infantry Battalion nga gipadala aron palig-onon ang seguridad sa rehiyon.
Gipahibalo usab niya nga mokabat sa 5,000 ka mga sundalo ug enlisted personnel ang gibutang sa nagkalain-laing bahin sa BARMM.
Dugang pa nga adunay tulo ka batallion nga andam i-deploy, diin ang matag yunit adunay kapin sa 500 ka mga sundalo.
Nagpadayon usab ang Philippine Army sa koordinasyon uban sa Philippine National Police (PNP) ug Commission on Elections (COMELEC) aron masiguro ang malinawon, hapsay, ug luwas nga pagpahigayon sa pinili-ay.
