Gikumpirma ni Davao City Mayor Sebastian “Baste” Duterte atol sa impeachment trial nga business associate niya si businessman Jaime T. Cruz, nga giila usab niyang higala sa iyang amahan nga si kanhing Pangulong Rodrigo Duterte.
Matud ni Baste nga kapwa sila shareholder ni Cruz sa Chinese Gen Bee Foods Corporation, diin shareholder usab ang iyang igsuon nga si Davao City 1st District Representative Paolo Duterte.
Girepresentar ni Cruz ang JTC Group of Companies Philippines Inc., nga adunay pinakadakong subscribed interest sa GenCorp Industries Inc.
Nakadawat ang GenCorp og 19 ka kontrata gikan sa Davao City government nga mokabat sa kapin ₱33 milyon gikan 2022 hangtod 2026.
Hinuon, gipaklaro ni Baste nga wala siya masayod nga principal stockholder sa GenCorp si Cruz ug wala niya gisusi ang corporate records o abstracts of quotations sa kompanya.
Gipangutana lamang kuno niya ang City Administrator kung miagi sa hustong proseso ang mga kontrata ug kon kwalipikado ba ang GenCorp.
Sa pagpangutana kang Mayor Baste kung tugotan pa ba niya ang GenCorp nga makakuha og city contracts kung nahibalo siya nga shareholder niini nga si Vice President Sara Duterte, mitubag kini nga dili niya tugotan kung nakahibalo siya sa maong ownership.
