Magpadala og barko ang Philippine Coast Guard (PCG) aron bantayan ug siguruhon ang kaluwasan sa ika-upat nga civilian mission sa Atin Ito Coalition sa West Philippine Sea (WPS) karong bulan sa Abril.Gipahayag ni PCG Spokesperson for the West Philippine Sea, Rear Admiral Jay Tarriela, nga ang barko magsilbing escort ug magmonitor sa seguridad sa mga sibilyan, labi na kon posible nga naa ang presensya sa Chinese Coast Guard (CCG).
Bisan pa man nga kini usa ka independent nga civilian initiative, giingon ni Tarriela nga boluntaryo ug independyente ang grupo, ug wala sila gi-pressure o gi-pugos sa pagpatigayon sa ika-upat nga civilian mission.Gikalipay sab sa PCG ang nagkadaghan nga partisipasyon sa publiko sa mga sibilyan nga misyon, nga nagpakita sa taas nga kahibalo sa mga Pilipino sa pagpanalipod sa soberenya sa nasud.
Lakip sa tumong sa convoy ang pagpanalipod sa katungod sa Pilipinas sa WPS ug paghatud og suporta sa mga mangingisda ug residente sa Pag-asa Island. Sumala sa pahayag ni Atin Ito Coalition co-convenor Rafaela David, ang bag-ong civilian mission nagtutok sa pagtubag sa mga isyu sama sa aktibidad sa pag-eespiya sa China ug epekto sa pagsaka sa presyo sa lana sa kinabuhi sa mga mangingisdang Pilipino.
Lakip sa tumong sa convoy ang pagpanalipod sa katungod sa Pilipinas sa WPS ug paghatud og suporta sa mga mangingisda ug residente sa Pag-asa Island. Sumala sa pahayag ni Atin Ito Coalition co-convenor Rafaela David, ang bag-ong civilian mission nagtutok sa pagtubag sa mga isyu sama sa aktibidad sa pag-eespiya sa China ug epekto sa pagsaka sa presyo sa lana sa kinabuhi sa mga mangingisdang Pilipino.
Dugang pa niini, padayon ang monitoring ug koordinasyon sa PCG ug uban pang awtoridad aron masiguro ang kaluwasan sa tanan nga sakay sa misyon ug malikayan ang kadaut sa kadagatan.
