Gilusad sa Mindanao ang usaka bag-ong inisyatiba nga nagtumong sa pagpalig-on sa digital literacy o ang tukma nga paggamit sa artificial intelligence, ug entrepreneurship sa mga estudyante isip kabahin sa pagsaulog sa Safer Internet Day 2026.
Ang maong programa nga gitawag og Project Pastil ang gilusad pinaagi sa panagtambayayong sa Globe Telecom ug sa usaka Foundation.
Sumala sa mga organisador, ang konsepto nagpasabot sa tumong sa programa nga maghatag og “nutrisyon” alang sa hunahuna sa kabatan-onan pinaagi sa paghatag kanila og importante nga kasayuran ug pagsabot sa digital ilabi na sa mga komunidad nga kulang og serbisyo.
Gisubay ang inisyatibo sa tema nga “Ako, Ikaw, Tayo: Konektado at Protektado Laban sa OSAEC at CSAEM,” nga naghatag gibug-aton sa kolektibong responsibilidad sa pagsulbad sa Online Sexual Abuse and Exploitation of Children (OSAEC) ug Child Sexual Abuse or Exploitation Materials (CSAEM).
Tumong sa programa nga himuon kini nga adbokasiya ngadto sa praktikal nga suporta pinaagi sa paghanas sa mga estudyante aron mahimong responsable nga digital citizens.
Ang programa naghatag og pagbansay sa online safety, cybersecurity, data privacy, ug critical thinking, uban ang dugang nga pokus sa etikal nga paggamit sa artificial intelligence
Mokabat sa 40 ka student leaders ug mga estudyante ang miapil sa maong workshop.
