Nagpasaka og kasong libel ug cyber libel si Davao City 1st District Representative Paolo Z. “Pulong” Duterte human personal nga mitungha sa City Prosecutor’s Office sa Davao City karong Biyernes, Oktubre 23, 2026.
Base sa iyang complaint-affidavit, gilakip isip mga respondent si NBI Director Atty. Melvin A. Matibag ug Rodulfo M. Gracioso Jr., apil usab ang mga opisyal ug mamamahayag sa usa ka network.
Lakip sa mga ginganlan sa reklamo sila Network Chairman Felipe L. Gozon, Gilberto R. Duavit Jr., Mel Tiangco, Vicki Morales, Emil Sumangil, Darlene Cay, Marvin Parado ug Joel San Luis, ingon man ang wala hinganling John and Jane Does.
Adunay kalabotan ang reklamo sa kontrobersiya kabahin sa alegasyon ni Gracioso nga naghatod siya og mga maleta nga giingong adunay sulod nga kuwarta ngadto sa pamilyang Duterte. Apan, gilimod sa kampo sa pamilya Duterte ang maong alegasyon.
Ang reklamo naglangkob pa lamang sa mga alegasyon batok sa mga respondent, ug ang ilang posibleng pananagutan magdepende sa resulta sa imbestigasyon ug sa hustong proseso sa balaod.
