Misulod sa bag-ong hugna ang modernisasyon sa Philippine Navy human gilusad sa Ulsan, South Korea kaniadtong Oktubre 13, 2026, ang ikatulong Offshore Patrol Vessel sa nasod nga ginganlag BRP Rajah Humabon.Ang barko gitukod sa South Korean shipbuilder nga HD Hyundai Heavy Industries isip kabahin sa modernization program sa Armed Forces of the Philippines o AFP.
Pinaagi sa maong barko, gilauman nga mas mapalig-on ang kapasidad sa Philippine Navy sa pagbantay sa katubigan, pagpalig-on sa seguridad sa nasod ug pagpanalipod sa teritoryo sa Pilipinas.
Nanguna sa opisyal nga delegasyon atol sa seremonya sila AFP Vice Chief of Staff Lieutenant General Rommel P. Roldan ug Philippine Navy Flag Officer in Command Vice Admiral Jose Ma. Ambrosio Q. Ezpeleta.
Sa wala pa gipahigayon ang aktibidad, unang nakigpulong si Ezpeleta sa mga opisyal sa Republic of Korea Navy aron mapalig-on ang kooperasyong pandagat tali sa Pilipinas ug South Korea.Kabahin ang maong proyekto sa padayong paningkamot sa Philippine Navy nga pauswagon ang mga kagamitan ug kapasidad niini sa pagbantay ug pagpanalipod sa katubigan sa nasod.
