Miboluntaryo si Baguio City Mayor Benjamin Magalong nga pangunahan niini ang imbestigasyon sa anomaliya sa flood control projects.
Sumala pa ni Magalong, di mamahimo nga mangunay ang mga kongresista sa pag-imbestiga sa ilang mga kaugalingong anomaliya.
Gani, ang ganahan matud pa nga construction companies sa mga kongresista ang mga paspas ug abtik nga muhatag og feedback ngadto sa mga politiko.
Sa 100% nga presyo sa proyekto kon project costs, 25% ang ihatag sa commission on appropriations, samtang 5-10% alang sa mga kongresista o parking fee o pass through sa laktod nga pagkaistorya.
Samtang, 3% ang bahin sa bids and awards committee kon sa Department of Public Works and Highways (DPWH), 3% sab ang paingon sa ‘moro-moro’ nga bidding. Kuntahay 12% ang kita sa construction company, 30% na lamang matud pa ang mabilin sa flood control control project.
Sa laktod matud pa nga pagkaistorya sumala ni Magalong, og kinsa pa ang wala mipirma sa dokumento, mao matud pa ang dako og bahin.
Sa higayong magbinistuhay na matud pa, ang mga wala mipirmang kongresista, ang walay kasong atubangon ug ang nakapirma lamang ang manubag.
Kahinumdumang gihagit sa Palasyo si Magalong nga iyagyag niini kang Pangulong Ferdinand Marcos Jr. ang tanang impormasyon nga iyang nahibal-an kalabot sa gikaingong anomalya sa flood control projects nga gikalambigitan sa pipila ka kongresista ug senador.
Matod sa Palasyo,sa higayong adunay ebidensya ug klarong detalye nga gikuptan si Magalong, mas labing maayo nga mutabang kini sa gobyerno aron mapadali ang imbestigasyon ug mapasakaan dayon og kaso ang mga responsable.
Apan, di na gikinahanglan nga maila gayud ni Magalong ang mga opisyales ug kontratistang nalambigit sa maong isyu, ilabi na og lig-on na ang ebidensya, sigon ni Palace Press Officer Usec. Claire Castro.
