Gipahibalo sa Department of Energy (DOE) ang bag-ong pag-usab sa presyo sa mga produktong petrolyo nga epektibo sugod Nobyembre 3 hangtod 9, 2026.
Matod sa ahensya, ang maong kausaban sa presyo direktang gibase sa lihok sa presyo sa lana sa tibuok kalibotan, taliwala sa nagpadayong mga panghitabo sa Middle East.
Sa oil price adjustment karong semanaha, gipatuman sa mga kompanya sa lana ang P3.50 nga pagsaka sa matag litro sa nagkalain-laing klase sa gasolina.
Sa laing bahin, adunay gamayng kahupayan ang mga motorista tungod sa P1 nga pagpaubos sa presyo sa matag litro sa regular diesel ug diesel plus.
Gipaubos usab ang presyo sa kerosene og P1.90 matag litro karong semanaha.
Samtang, misaka usab ang presyo sa Liquefied Petroleum Gas (LPG) alang sa tibuok bulan sa Nobyembre.
Misaka og P4.30 matag kilo ang presyo sa LPG, nga nagpasabot og dugang gasto sa mga konsumidor nga naggamit og kasagarang 11-kilogram nga tangke.
