Gipahibalo sa Office of the Vice President (OVP) nga kaugalingong pondo ni Bise Presidente Sara Duterte ang gamiton sa iyang biyahe paingon sa Hong Kong gikan Nobyembre 6 hangtod 8, 2026, aron motambong sa nagkalainlaing kalihokan.
Lakip sa iyang mga gitakdang tambongan ang panagtigom nga gi-organisar sa Filipino Community (FilCom) sa maong nasod.
Nakakuha si Duterte og permiso gikan sa Quezon City Regional Trial Court Branch 98 kaniadtong Nobyembre 3, 2026, alang sa iyang pagbiyahe.
Dugang pa niini, nagpagawas usab ang Office of the President og travel authority alang sa iyang pagbiyahe sa gawas sa Pilipinas.
Gipunting usab nga walay pondo, kabtangan, o pasilidad sa gobyerno nga gamiton alang sa iyang pagbiyahe pa-Hong Kong.
Gilauman nga ipadayon ni Duterte ang iyang mga gitakdang kalihokan human sa tulo ka adlaw nga pakigkita ug pakig-uban sa mga Pilipinong nagpuyo sa maong nasod.
