Misaad ang Department of Justice (DOJ) sa publiko nga manubag sa balaod ang bisan si kinsa nga adunay kalabutan sa online sexual abuse and exploitation of children (OSAEC).
Gipahayag ni National Prosecution Service Officer-In-Charge Richard Anthony Fadullon, seguruhon sa ilahang ahensya nga mabilanggo ang tanan nga adunay kasal-anan sa maong matang sa kalihukan.
Ipailalom sa mga pagdungog sa korte ang mga madakpan ug pahamtangan ug mga kaso ubos Department Circular 15 and 20.
Samtang sa nakalabay nga semana, usa ka foreigner graphic artist ang nag-livestream ug gatusan ka mga batan-on nga gipanglugos sa Pilipinas.
Nasayran sa mga awtoridad nga gibayaran niini ang mga perpetrators nga manglugos sa mga batang babaye nga adunay edad nga 5 hangtod sa 10 anyos ug ipakita sa mga manan-away.
