Gikwestyon karun sa mga taga Kingdon of Jesus Christ (KOJC) ang matod pa pagka-INC member ni kasamtangan Regional Director sa PRO XI nga si PBrig. General Nicholas Torre III, gumikan sumala pa sukwahi sa ginatudlo sa ilang simbahan ang ginapakita nga pamatasan niini ngadto sa mga taga KOJC.
Sumala pa nga layo ra gayod ang tudlo sa INC ang kabahin sa ginapakita nga mga lakang ni Torre, kabahin kini sa padayon nga pag intimidar sumala pa sa mga taga KOJC, ug pag tinguha nga adunay laraw nga sudlon ang compound ni Pastor Apollo Quiboloy.
Dugang pa niini nga daghan sila sumala pa mga kaila nga mga miyembro sa INC nga mga maayo ug pamatasan, walay mga bisyo, kabalo murespeto sa isig ka-ingon, ug mga buutan.
Apan sukwahi kini sa ginapakita nga pamatasan ni Torre, gumikan sa paunsa kini muhatag ug tratar ngadto sa mga taga KOJC partikular na kang Pastor Quiboloy, nga walay lain tinguha kundi paghatag ug kahadlok ngadto sa katawhan ug pagpanghulga.
Kahinumduman, una nang gibutyag ni Atty. Israelito Torreon ang legal counsel sa KOJC nga aduna na kini nadawatan nga hulga gikan kang Torre, nga kung dili kini kumbinsihon si Pastor Quiboloy nga musurender, mamahimong bloody ang musunod nila nga lakang sa pag silbi sa arrest warrant kang Pastor Quiboloy ug sa lain pang mga kaubanan niini.
