Padayon pa gihapon ang pagsaka sa kantidad sa incentives ug premyo nga madawatan ni Pinoy gymnast Carlos Yulo human sa duha niini ka golden performances sa Paris Olympics.
Sukad kagahapon, miabot na sa kaping P85 million ang ginahinusang commitment ug presyo nga madawatan niini lakip na sa balaod sa nasud.
Kini ang gilakipan sa tig- P10 milion incentives gikan sa Philippine Sports Commission alang sa matag gold medal niini, P 20 million gikan sa Manny Pangilinan Sports Foundation, P6 million gikan sa Kamara de Representantes ug P35million nga kantidad sa real estate property ug cash gikan sa usa ka pribado nga kompanya.
Gawas pa niini ang milyon-milyon nga kantidad sa mga produkto nga gisaad sa mga dagkong production ug retail companies sa nasud.
Sa kasamtangan pipila na usab ka mga dagkong food chain ang nagtanya og libre nga franchise, libre nga pagkaon ug uban pa.
Bisan pa man mamahimo pang mutaas ang kantidad sa incentives ni Caloy, mas taas na kini kon itandi sa P50million nga kantidad, gamit, house and lot, lifetime flights ug uban pa nga unang nadawatan ni TOkyo gold medalist Hidilyn Diaz.
Niadtong milabay nga adlaw, gikumpirma usab ni Manila Mayor Honey Kacuna ang pagpangandam sa city government alang sa usa ka hero’s parade alang kay Yulo.
Sa pikas bahin, gidayeg ni Philippine Sports Commission (PSC) chairman Richard Bachmann ang tanang mga tawo ug grupong mitabang kang gymnast Carlos Yulo sa Paris Olympics.
Gibarugan ni Yulo ang pagka-greatest Filipino Olympian homan nakuha ang ikaduhang bulawang medalya, usa ka adlaw homan nakuha ang unang gold sa Bercy Arena.
Ang kalampusan ni Yulo ang dili mamahimong posible gumikan na usab sa tabang ni coach Aldrin Castaneda, usa ka therapist, ug gymnastics president Cynthia Carreon.
