Gipangayo ni Sen.-Judge Alan Peter Cayetano nga unahon sa Korte Suprema ang pagklaro sa voting threshold alang sa conviction sa impeachment trial ni Vice President Sara Duterte atol sa proceedings sa Senado niadtong Miyerkules, Setyembre 23.
Matud ni Cayetano, dili niya gisupak ang paghisgot sa voting threshold, apan gikuwestyon niya ang timing sa pagresolba niini tungod kay anaa na sa tunga-tunga ang impeachment trial.
Para kaniya, mas angay unta nga nahisgutan ug nasulbad ang isyu sa wala pa maaprobahan ang mga lagda alang sa paglitis aron ang tanang panig makadala una niini sa Korte Suprema.
Gipasiugda usab sa senador nga mahimong subject sa Supreme Court review ang resulta sa impeachment proceedings, busa kinahanglan nga malikayan ang problema sa hurisdiksyon ug pag-abuso sa gahum.
Gikabalak usab ni Cayetano ang epekto sa pag-usab sa gidaghanon sa mga senador nga basihan sa pagkalkula sa two-thirds requirement samtang nagpadayon ang paglilitis.
Bisan pa sa iyang posisyon, gibasura sa impeachment court ang iyang hangyo nga ipagpaliban ang pagdeterminar sa threshold ug mipadayon sa botohan bahin niini niadtong maong adlaw.
Sa pagkakaron, nagpabiling sentro sa proceedings ang tukmang interpretasyon sa constitutional requirement alang sa conviction. | VIA BOMBO EROS PAJOTA
