DAVAO DEL SUR- Nagpaabot og kinasing-kasing nga pasalamat ang ginikanan ni Nesthy Petecio sa Davao del Sur alang katawhang pilipino nga way puas sa pagsuporta sa ilang anak.
Kini human naangkon ni Nesthy ang kadaogan sa dula niining Women’s 57 kg. Round of 32 kontra sa 22 year-old boxer nga si Jaismine Lamboria gikan sa India via unanimous decision, kagabii.
Sumala pa ni Teodoro Petecio, amahan ni Nesthy nga sobra-sobra gayud ang iyang ka proud sa performance nga gipakita sa iyang anak uban ang paghangyo nga magpadayon ug molabaw pa kini sa sunod niining dula.
Samtang padayon usab nga panghinaot sa inahan niining si Prescilla Petecio nga maangkon ni Nesthy ang bulawang medalya rason nga wala kini undang sa pagpangayo og pangaliya sa labawng makagagahom.
Dungan nga nagtan-aw ang mga kabanay ni Nesthy sa panimalay niini sa Davao del Sur diin magkahalo nga kalipay ug kakulba ang ilang nabatian.
Gipasigarbo matud pa sa iyang pamilya si Nesthy hilabi pa nga naggikan gayud kini sa Davao del Sur.
Sa pikas bahin, gihulagway usab ni Queenie Laude, Bombo International News Correspondent sa Paris ang kalipay sa mga pinoy samtang ni witness sa kadaogan ni Nesthy Petecio.
Dala-dala ang mga flag, giwara-wara sa mga pinoy supporters ang watawat sa nasud.
Gumikan sa maong kadaogan, moabante na sa round of 16 si Petecio ug gikatakdang makalaban ang Tokyo Olympics silver medalist nga si Amina Zidani sa August 3, 2024
