Nasabtan matud pa sa Philippine National Police ang nahimong desisyon ni PBBM nga i-veto ang PNP Reform Bill.
Sa usa ka interview, gikanayon ni PNP Spokesperson Col. Jean Fajardo nga preorogative kini sa pangulo.
Nasabtan matud pa sa mga kapulisan ang nahimong lakang sa pangulo ug ginasuportahan nila ang ginakabalak-an niini kalabot sa pipila ka probisyon sa maong sugyot.
Sabay niini, gisiguro ni Fajardo ang pakigtinabangay sa gobyerno aron ang mamahimong matarong ang mga probisyon sa maong sugyot sa ginabuhat nga alignment niini sa kasamtangang polisiya sa PNP.
Usa sa mga kontrobersyal nga probisyon sa maong sugyot mao ang adjustment sa sweldo sa mga bag-ong police officers kong diin ang ilahang entry-level pay ang isaka sa Salary Grade 21.
Matud pa ni Fajardo, magpabiling comitted ang PNP sa ilahang mga trabaho. Higayon usab matud pa kini sa PNP aron hatagan og ikaduha nga pagtuon ang maong reformed bill.
Pagsiguro ni Fajardo, makig-diyalogo sila sa mga magbabalaod aron maseguro nga mas mapalambo pa ang mga importanteng probisyon sa sugyot.
Una nang nipadayag sa iyang kasubo si kanhi PNP Chief ug kasamtangang Senador, Sen. Ronald Bato De la Rosa, tungod sa pag-veto sa PBBM.
Matod niya nga nasayang ang paningkamot sa daghan nga nagkugi alang sa maong balaod, apil na ang kapulisan.
