DAVAO DEL SUR- Gukostudiya na karon sa kapulisan sa Digos ang usa ka suspek sa pagpatay sa usa ka fiscal kon prosecutor nga si Eleanor Dela Pena.
Subay sa report gikan sa kapulisan, nadakpan ang suspek human sa gipahigayon nga hot pursuit operation nga naila nga isgsuon ra usab sa biktma nga mao si Arnel Galot Dela Peña, 56-anyos-nga residente sa Purok 3, Talas, Sulop, Davao del Sur.
Nasayran nga half-brother sa biktima ang suspek nga maoy gitudlong mipusil patay kang Fuscal Eleanor.
Dugang pa sa mga otoridad, nga sa ilahang gilusad nga hot pursuit operation human sa maong panghitabo nadakpan gilayon ang biktima pipila ka oras lamang ang nakalabay sa National Highway sa Talas, Sulop, Davao del Sur pasado alas nuybi ang takna kagabii.
Nasayran nga una ng giila ang suspek subay sa pamahayag sa anak sa biktima nga si Kenneth De Leon, subay kini sa kuha sa CCTV footage duol sa nahitabuan, ug paghulagway sa nakakita sa krimen.
Sumala pa nga atol sa hot pursuit operation, gihulagway ang suspek nga nakasuot ug itom nga helmet nga adunay letter “M,” usa ka blue hooded jacket, blue jeans, ug nagsakay sa Honda Click motorsaykol.
Atol sa pagdakop sa kapulisan, narekober gikan sa nahisgutan ang 12-gauge shotgun shells, twenty-seven 5.56 MM live rounds, usa ka M16 rifle magazine, ug itom nga helmet nga adunay litra nga “M,” ug usa ka blue Fila-branded hooded jacket, lakip sab ang duha ka mga cellphone (blue ug itom nga Huawei).
Sumala pa sa kapulisan nga posibli nga bangi sa yuta ang motibo sa krimen sanglit nagkalalis na sumala pa ang mga nahisgutan. Apan hugot kining gilimod ang maong pasangil.
