DAVAO CITY – Nagpahimangno ang Department of Environment and Natural Resources – Davao Region mahitungod sa mga basura nga ilang nakuha sa Mt. Apo ning dakbayan.
Sumala pa ni Jayvee Agas, ang hepe sa Public Affairs Office sa DENR 11, namatikdan atol sa gipahigayong monitoring sa ahensya kaniadtong Abril 3 hangtud 10, nga dunay mga basura sa single-use plastics lakip na ang bandalismo sa boulders ug craters sa Mt. Apo Natural Park.
Bisan pa man gamay hinuon ang napundok nga mga basura, nagbahad gihapon ang ahensya ngadto sa mga masinupakong trekkers ug mountaineers nga nagmalapason gihapon sa zero-waste policy diin posible silang ma-blacklist gikan sa kampo kon mapamatud-an.
Sa kasamtangan, limitado ngadto sa 50 ka mga climbers ang Mt. Apo Natural Park ug dili nila tugutan ang overbooking aron mamenosan ang peligro sa pagsaka sa Mt. Apo.
via || Bombo LJF
