DAVAO CITY – Nagpakita ug suporta ang mga sakop sa Police Regional Office XI pinaagi sa pagrekisa sa ilang kaugalingon ug musumite sa ilang courtesy resignation ngadto sa Directorate for Personnel and Records Management sa PNP National Headquarters sa kauluhan kagahapon subay na sa gipakanaog nga mando ni DILG Secretary Benhur Abalos.
Matud pa ni PRO XI Regional Director PBGen. Benjamin Silo Jr., subay kana sa gipanawagan ni Abalos nga pagpanaog sa mga heneral ug opisyales sa PNP nga gituohan nga nalambigit sa nagkasamot nga illegal drug trade sa nasud.
Sumala ni Silo, dunay 22 ka mga colonel ug 3 brigadier general ang anaa sa PRO XI.
Hinuon gipasalig ni Silo nga walay direktang epekto sa operations sa kapulisan ang himoong courtesy resignation sa mga generals kundili magpadayon gihapon ilusad sa buhatan ang Simultaneous Anti-Criminality Law Enforcement Operations sa pagpakgang niini sa ilegal nga droga.
Laraw sab nga mas pakusgan pa sa kapulisan ang SACLEO ingon man lugwayan pa ang operations niini. Samtang, gisiguro sab sa opisyal ang taas nga morale sa kapulisan sa rehiyon.
via || Bombo BCA, Bombo HJR & Bombo LJF
