DAVAO CITY – Mubisita si Pangulong Ferdinand R. Marcos, Jr. diri sa dakbayan alang sa pipila ka mga okasyon sugod karong adlawa.
Gilauman ang pagsalmot ni PBBM sa groundbreaking ceremony sa Samal Island – Davao City Connector Bridge.
Kauban sa pangulo ang mga opisyales sa Department of Public Works and Highways, Department of Tourism, Department of the Interior and Local Government, ug Regional Development Council 11.
Pagkahuman sa groundbreaking, musalmot sab ang pangulo sa pagahimoong pagpangapud-apud ug hinabang sa pipila ka mga indibidwal ilawom sa Assistance to Individuals in Crisis Situation program sa Department of Social Welfare and Development 11.
Gilauman sab ang iyang presensya sa pagahimoong sermonya sa Eastern Mindanao Command, Naval Station Felix Apolinario, Panacan, ning dakbayan.
Kana alang sa opisyal nga pagproklama sa Davao Region isip insurgency free region, uban ang EASTMINCOM, Regional Development Council ug Regional Peace and Order Council 11.
via || Bombo LJ Florendo
