DAVAO CITY – Magpatuman ug hugot nga seguridad ang Davao City Police Office karung panahon sa Kalag-kalag.
Nagpahibalo si DCP spokesperson PMaj. Catherine Dela Rey ngadto sa mga muduaw sa ilang mipanaw nga mga minahal sa kinabuhi.
Bawal na ang overnight stay sa mga sementeryo ug bawal sab ang paglatagaw inig kaadlawon.
Abri ang mga sementeryo gikan alas-sais sa buntag hangtud alas-otso sa gabii.
Bawal sab ang mga ilimnong makahubog, mga talinis na hinagiban, mga sound system, backpacks, ug uban pang mga kontrabando sulod sa sementeryo.
Limitado gihapon ang mga musulod sa mga sementeryo susama sa nahimong siste sa miaging tuig bisan pa man sa pagpaluag sa restriksyon kontra COVID 19.
Obserbahan gihapon ang minimum public health standards ug dili na pasudlon ang mga nagbaton ug susamang sintomas sa kagaw.
Kapin 13,000 ka mga pulis ug auxiliary personnel ang ipakatag sa trentay syete ka mga pampubliko ug pribadong sementeryo sa dakbayan.
Ginaapaabot gihapon ang mamahimong overall protocols nga ipahigayon atol sa Kalag-kalag gikan sa Public Safety and Security Command Center.
via || Bombo LJ Florendo
