DAVAO CITY- Wala pa mipatuman og usbaw sa singil sa pletehan ang mga PUJ driver sa dakbayan sa Davao taliwala paman nga aprubado na ang pagpatuman niini karong adlawa, Oktobre 3.
Gikatarungan sa mga nahisgutan nga dili pa nila kini mahimo gumikan wala pa sila makakuha og taripa gikan sa buhatan sa LTFRB.
Apan matud pa sa mga driver ugaling makakuha na sila, otomatikong himoong 12 pesos gikan sa 11 pesos na ang ilang singlon ngadto sa ilang mga pasahero.
Ilawom sa gi-aprobahang pagsaka sa pletehan, gikan sa ₱11, mahimo na nga ₱12 ang minimum nga pamasahe sa mga traditional nga jeep sa unang upat ka kilometro ug dugang ₱1.80 sa matag musunod nga kilometro, samtang dugang P5.00 nga increase sa flag down rate nga P40.00 sa mga taxis.
Gipasabot sa LTFRB XI nga kinahanglang i-paskil sa mga operators ug drivers ang bag-ong fare matrix nga gipagawas sa buhatan aron makasingil sa bag-ong pletehan aron dili sila mamultahan og P1,000 o kung masayran usab nga naga-overcharge sila sa ilang mga pasahero.
VIA|| DANICA BAGUIO
