DAVAO CITY – Moabot sa 370 ka mga kaso sa dengue uban sa tulo ka mga patay ang gikatala gikan Enero 1 hangtud Abril 19, 2022 sa halos unsi ka mga barangay dinhi sa Dakbayan sa Dabaw.
Gikanayon ni Beth Banzon, Beth Banzon, head sa Tropical Diseases & Nutrition Division sa City Health office sa dakbayan sa dabaw nga subay sa data reported alang sa first quarter karong tuiga adunay 299 ka mga kaso sa dengue sa syudad.
Ang nahisgutang ihap ang mas taas ug 11.56% gikan sa 268 ka mga kaso nga gikareport sa susamang mga panaho n iadtong nakalabay nga tuig 2021.
Sumala pa ni Banzon nga usa sa hinungdan sa pagsaka sa ihap sa dengue cases sa syudad ang resulta sa kanunay nga mga pag-ulan, kapakyas sa mga residente nga manglimpuo sa ilang palibot, ug ang batatsan sa mga kabalayan nga pagpundo ug tubig sa mga walay taklob nga containers.
Tungod niini, gipahinumduman ni Banzon ang publiko nga paspas ang pagkatag sa mga lamok nga nagdala ug dengue virus sanglit mapusa gilayon ang mga itlog niini sulod lamang sa upat ka adlaw diin kasagaran nga naa sa mga nagpundo nga tubig sa balde, ligid ugb uban pa nga mapunduhan ug tubig gikan sa ulan.
Gidasig usab ni Banzon ang mga residente nga dalaon gilayon sa ospital ang mga meimbro sa ilang pamilya nga nakasinati ug mga simtomas sa dengue infection.
Kasagaran sa mga namatay nga dengue patient ang resulta sa kalangay o dugay nga pagdala niini sa doktor o kaha sa ospital hangtud nga miabot sa punto nga migrabe na ang balatian ug wala na matabang sa mga doktor.
Gibutyag ni Bazon nga pipila sa mga simtomas nga masinatian sa usaka dengue victim ang taas nga kalintura gikan duha hangtud pito ka adlaw, pagpanakit sa lutahan ug pagpanaklit sa likod sa mga mata, kaluiya, skin rashes, sunggo, sakit sa tiyan, pagsuka, itom nga hugaw ug kalisud sa pagginhawa.
