DAVAO CITY – Mikunhod ug halos 77.31% ang gikatala nga mga panghitabong sunog sa tibuok davao region atol sa unag quarter ning tuig kasamtangan kung itandi sa nakalabay nga tuig 2021.
Gikanayon ni Fire Inspector Lei Ann Palermo, Public Information Officer sa Bureau of Fire Protection Davao Region, gikan sa kapin usaka libo ka mga panghitabong sunog nga gikatala gikan sa bulan sa enero hangtud Marso sa nakalabay nga tuig 2021, mikanaug na kini sa 228 sa susamang mga panahon karong tuiga 2022.
Sa nahisgutang ihap, pinaka-daghan niini ang mga balay nga nasunog gumikan sa sayop nga koneksiyon sa linya sa kuryente.
Dugang pa gikanayon sa nahisgutang opisyal nga nag-una nga hginungdan sa pagkanaug sa ihap sa mga panghitabong sunog sa davao region mao ang mas pagpakkuksog pa sa information campaign sa kabarangay may kalabutan sa paglikay sa mga panghitabong sunog.
Samtang, wala usay gikatala nga adunay namatay sa mga nahitaboong sunog karong tuiga, kung itandi sa gikatala niadtong milabay nga tuig nga moabot sa pito ka mga tawo ang namatay atol lamang sa unang tulo ka bulan sa tuig 2021.
