DAVAO CITY – Nakadawat ug P10 million pesos nga pondo ang Davao City Government gikan sa Philippine Charity Sweepstakes Office nga gamiton alang sa medical assistance sa mga senior citizen, PWD, solo parents, ug children with special needs.
Ang nahisgutang pondo ang personal nga giturn- over ni PCSO General Manager Royina Garma sa lokal nga kagamhanan sa davao city subay sa joint memorandum of agreement tali niini ug sa PCSO nga gilangdaan niadtong January 13, 2022.
Sumala kang City Social Welfare and Development Office o CSWDO Head Atty. Marlisa Gallo, gamiton ang pondo alang sa assistance nga dili sakop sa Lingap Program sa Davao City Government, sama sa professional fees alang sa therapies, tambal nga dili available sa mga Lingap affiliated pharmacies ug uban pang medical ug financial needs.
Subay sa datos sa CSWDO, naa sa kapin kiun kulang baynte mil ka mga PWD ang narehistro sa ilang ahensya; 2,898 ka mga solo parents, ug 152, 550 ka mga senior citizen.
Aron maka-avail sa mga programa ug assistance gikan sa lokal nga kagamhanan sa syudad, kinahanglan lamang nga modangop sa pinakaduol nga CSWDO District Office aron matabangan sa mga social workers alang sa assessment ug requirements.
