DAVAO CITY – Isip kabahin pa gihapon sa pagbangon sa ekonomiya sa dakbayan nga grabeng naapektohan sa Covid-19 pandemic, sugdan na karung adlawa ang subli nga operasyon sa Singapore-Davao direct flights nga pangunahan sa Singapore Airlines.
Kahinumduman nga una ng gikumpirma ni Davao City Tourism Office head Generose Tecson, nga mubiya sa Singapore Changi Airport ang eroplano ug muabot kini sa Francisco Bangoy Davao International Airport unyang alas kuwatro sa hapon.
Gikanayong direct flight kini ug gikatakda sab nga magdugang pa ug mga schedules arun nga daghanan pa nga mga flights ang mamahimong kapili-an sa mga Dabawenyos ug Singaporean tourists.
Nasayran nga ang nahisgutan nga rota ang una ng giserbisyohan sa Silk Air usa ka regional airline sa Singapore Airlines.
Gikanayong ang Singapore Airlines mao sumala pay ikaduha nga airline nga naglusad ug international flight, paingon ug gikan dinhi dakbayan kaniadtong post-pandemic era. Una na sab nga nagpahigayon ug maiden flight dinhi sa dakbayan ang Scoot usa ka barato nga airline sa milabay nga Disyembre 2021 nga adunay karga nga 102 ka mga pasahero.
