DAVAO CITY – Gikatakdang inagurahan ang pipila pa ka mga pasilidad sa Southern Philippines medical center una mahuman ang tuig kasamtangan.
Gikanayon ni Dr. Ricardo Audan, medical center chief sa SPMC, naa sa 89 hangtud 92% na ang completion rate sa mga proyekto nga gisugdan niadto pang panahon sa pagdumala ni kanhi SPMC center chief Dr Leopoldo Vega una pa kini nahimong undersecretary sa Department of Health (DOH).
Kalakip sa mga proyekto nga kasamtangang ginahuman karong panahona ang pito ka andana nga gambalay alang sa Eye ug Dermatology Institute, Information Technology and Research ug Medical Arts.
Samtang nagpadayon lamang gihapon ang konstruksyon sa Acute and Trauma Facility ug sa Children Institute sa SPMC.
Niadtong biyernes, una nang gi-inagurahan ang Cancer Diagnostic Institute ug Cancer Treatment Facility nga gitambungan mismo ni Pangulong Rodrigo Duterte.
Ang nahisgutang mga pasilidad ang kalakip sa mga proyekto nga gisugdan ni ni Undersecretary Vega.
