DAVAO CITY – Walay nakitang sayop ang Alliance of Filipinos for Freedom and Informed Choice (AFFIC) sa gihimo nilang lakang ug gibarugan nga dili sila supak sa vaccination rollout sa gobyerno apan gusto lamang nila nga mohatag og awareness sa mga ginikanan.
Gipahayag sa AFFFIC Spokesperson, mas labing maayo kung ipatawag sila aron masayran kung unsa ang nahimong kalapasan sa gibutang nga billboard unod ang mensahe nga nagpahimangno sa mga ginikanan sa pagpabakuna sa ilang mga anak.
Gawas niini, miagi sa matud pa sa insakto ug legal nga proseso ang pagbutang sa billboard kung diin adunay gihuptan nga permit ang advertising agency nga gibayaran sa billboard.
Kung kahinumduman, gipakuha dayon sa local nga kagamhanan ang nahisgutang billboard gumikan kay nakasupak kuno kini sa kampanya sa lokal nga kagamhanan sa pagpabakuna batok sa coronavirus disease.
