DAVAO CITY – Arun nga mapalig-on pa ang pagmonitor sa mga sakop sa kapulisan sa Mati City, gilusad kagahapong adlawa sa lalawigan ang Mati City Police Station (CPS) Bike Patrollers.
Sumala pa kang Ben Jason Tesiorna, Mati information officer nga ang inisyal nga walo ka mga Mati CPS Bike Patrollers ang ipakatag sa mga nagkadaiyang area sa siyudad kini aron masiguro ang kaluwasan sa mga residente ug mga guests nga muadto sa mga tourist sites sa lugar.
Atol sa soft launching, gi-presenta sa Mati PNP kaabag ang Davao Oriental Provincial Police Office ug city government ang mga mountain bikes nga gamiton sa mga bike patrollers.
Nag-unang tahas sa mga bike patrollers ang pag-imbestiga sa mga krimen nga posibleng mahitabo sa mga turista ingon man paghatag ug impormasyon sa komunidad arun nga masiguro ang kaluwasan ug seguridad sa lugar.
Kahinumduman nga usa ang Mati City sa mga sagad adtuan sa mga turista gumikan sa mga nindot nga tourist destination ug mga beaches sa lugar.
