DAVAO CITY – Gikatakdang magpagula ang Davao-based Hugpong ng Pagbabago (HNP) party ug listahan sa mga senador nga ilang e-endorso sa 2022 national elections.
Sumala pa kang Anthony del Rosario, tigpamaba sa HNP, nga anaa sa lima ka mga national political parties ang mipakita ug interes nga makighiusa sa HNP nga gilangkuban sa Lakas-Christian Muslim Democrats (Lakas-CMD), Nacionalista Party, Pwersa ng Masang Pilipino (PMP), People’s Reform Party (PRP), ug National Unity Party (NUP).
Ilalom sa kasabutan tali sa nahisgutan nga mga national parties, matag usa ka partido ang mosumite ug usa ka senatorial candidate nga e-endorso sa HNP.
Malaoman pa gihapon karon ang HNP nga magbag-o pa ang desisyon ni Mayor Sara Duterte-Carpio hangtud nga dili pa matapos ang substitution.
Kahinumduman nga una ng nagdesisyon ni Mayor Inday nga dili kini mokandidato sa mas taas nga posisyon inay nga magpabilin kini isip Mayor sa siyudad.
Kahinumduman nga daghanan ang naghulat kang Mayor Inday atol sa ulahing adlaw sa pagduso ug COC kaniadtong Oktubre 8, 2021 apan wala kini mipatim-aw.
