DAVAO CITY – Nagpagula na og Executive Order ang Dakbayan sa Mati aron tugutan nang makagawa ang mga bata human gipaluagan pa sa nasangpit nga dakbayan ang ilang restrictions.
Subay sa Executive Order number 100, mamahimo nang makagawas ang mga batang nagapangidad 5 anyos pataas alang sa outdoor activities human kini tugti sa IATF pinaagi sa Resolution Number 125.
Apan, kinahanglan aduna silay kauban nga mga bakunado nang hamtong.
Gawas pa niini, gitugutan nang mugawas ug musulod sa Mati City isip turista o returning residents ang senior citizens.
Kinahanglan usab nga bakunado na sila batok COVID-19 ug dunay mapakita nga vaccination card.
Bawal gihapon ang mga bata ug senior citizens sa indoor ug outdoor bulidings, mga pasilidad sama sa malls ug uban pang susamang establisamento.
Kinahanglan gihapon mutuman sa minimum public health standards ang publiko sama sa pagsul-ob og face mask, physical distancing, paglikay sa mga panagtapok, ug sa kanunayng paghugas og kamot.
