Gipadayag ni Vice President Sara Duterte nga naa sa executive power ni President Ferdinand Marcos Jr. ang desisyon sa paghatag og absolute pardon kang Mary Jane Veloso.
Matud ni Duterte, mahimong mohatag og executive clemency ang Pangulo human masusi ang kaso ug makonsiderar ang rekomendasyon sa Board of Pardons and Parole.
Wala na siya maghatag og dugang komento sa kaso ni Veloso ug gilimitahan ang iyang pahayag sa constitutional authority sa Presidente.
Samtang, gikumpirma ni Marcos nga iyang gipirmahan ang absolute pardon ni Veloso kaniadtong Huwebes, Setyembre 24, 2026.
Si Veloso nakagawas na sa Correctional Institution for Women sa Mandaluyong human mahatagan og absolute pardon.
Kahinumdoman nga nasentensiyahan kini og kamatayon sa Indonesia human ma-convict sa drug trafficking case. Kaniadtong Disyembre 2024, gibalhin siya sa kustodiya sa Pilipinas ubos sa prisoner transfer agreement sa duha ka nasud.
