DAVAO CITY – Madayon gihapon ang Samal Island-Davao City Connector Project kon Davao-Samal Bridge, sumala sa opisyal sa National Economic and Development Authority kon NEDA.
Gikanayon ni NEDA-Davao Director Maria Lourdes Lim nga anaa pa sa loan negotiation ang gobyerno sa Pilipinas ug gobyerno sa China.
Wala pa usab petsa alang sa ipahigayong groundbreaking sa naasoy nga proyekto.
Nagapadayon usab ang road-right-of-way acquisitions ug sa pagpadala og notice of taking sa mga maapektuhang tag-iya sa luna.
Dakong hagit usab alang sa proyekto ang procurement process sanglit malambigit niini ang langyaw nga contractors.
Gikumpirma usab ni IGACOS Mayor Al David Uy nga ginaplastar na sa Department of Finance ang loan agreement tali China, ug nakapili na usab ang Department of Public Works and Highways ug bidder alang sa proyekto.
Gibutyag usab niya nga dili maapektuhan sa election ban sa Enero 2022 ang proyekto.
Ang Davao-Samal Brigde, usa ka two-way four-lane brigde nga dunay gitas-ong 3.86 kilometers, diin ang main bridge niini ang adunay gitas-ong 1.62 kilometers. Gilauman nga 60 months kon lima ka tuig ang kadugayon sa pagpatukod niini.
