DAVAO CITY – Gipasalig karon sa Southern Philippines Medical Center (SPMC) nga mamahimo sumala pa sila nga maka-manage ug kaso sa Delta variant ug gani mamahimo pa nila nga maka-abli ug maka-expand ug bed capacity.
Kini ang gibutyag ni Dr. Ricardo Audan, OIC medical center chief sa SPMC, human ang midagsa ang mga pasyente sa SPMC nga naghulat nga ma-admit.
Gipasabot niini nga una na sab nga nakasinate ang SPMC ug pagdagsa sa mga pasyente ingon man pagsaka sa kaso sa Covid kaniadtong Oktobre ug Nobyembre sa milabay nga tuig.
Aron sumala pa nga masolusyonan ang pagdasok sa mga pasyente sa ER, una ng gi-ablihan sa SPMC ang 44-bed modular hospital, nga nahimutang sa compound sa SPMC.
Samtang gipailalom na sab karon ang Institute of Psychiatric Behavioral Medicine (IPBM) ug Davao Mental Hospital sa renovation aron nga maka-cater ug mga Covid-19 patients.
