DAVAO CITY – Gibutyag ni Davao City Mayon Inday Sara Duterte nga kinahanglan gihapon magpakita og negative RT-PCR Test Results ang mga buot musulod dinhi sa Dakbayan sa Davao bisan pa man nga fully-vaccinated na sila batok COVID-19.
Subay sa gimando sa Inter-agency Task Force on Emerging Infectious Diseases (IATF-EID) nga katungod gihapon sa mga Local Government Unit nga pangitaan og RT-PCR test results o vaccination cards ang mga manuluday sa ilang lungsod o dakbayan.
Dungag ni Duterte-Carpio, bisan pa man nakakumpleto na og bakuna batok COVID-19 ang mga buot musulod sa Davao, mamahimo gihapon silang matakdan o mamahimong carrier sa nahisgutang kagaw.
Busa, requirement gihapon alang sa mga non-essential travelers, locally-stranded individuals ug returning Overseas Filipino Workers ang RT-PCR test results nga musulod ug magawas sa Davao International Airport.
Kini ginabuhat isip pagpatuman sa Test Before Travel Ordinance sa Dakbayan sa Davao.
