DAVAO CITY – Gumikan sa grabeng epekto nga gihatud sa halapad nga pagbaha sa Davao del Norte sa milabay nga adlaw gumikan sa walay puas nga pag-ulan sa Davao region, hingpit na karon nga gipailalom ang Sto. Tomas sa nahisgutan nga lalawigan sa state of calamity.
Una ng gipalabang ang resolusyon nga ipailalom ang tibuok lungsod sa state of calamity kini base na usab sa nahimong rekomendasyon ni Disaster Risk Reduction and Management Council (DRRMC) head Mario Rebote human nga ubay-ubay nga mga residente, imprastraktura ug agrikultura sa lugar ang naapektohan sa halapad nga pagbaha.
Kahinumduman nga mikabat sa 6,545 ka mga pamilya sa 10 ka mga barangay ang apektado sa pagbaha gumikan sa kusog nga mga pag-ulan.
Nasayran sab kang Mart Sambalud, Municipal Information Officer sa Santo Tomas, nga miabot sa P55 million ang natalang kadaut sa agrikultura ug imprastraktura sa lungsod.
Hinuon gilayon sab dayon nga gihatagan og hinabang ang mga apektadong residente diin kadaghanan niini ang apektado sab ang ilang panginabuhian.
Via // Bombo Emman Dela Peña
