DAVAO CITY – Nagsugod na ang Pilot testing alang sa ipatumang Digital contract tracing QR Code sa Davao Oriental.
Kahinumduman nga nagpahigayon na kaniadtong lunes ang mga empleyado sa nahisgutan nga probinsya og downloading scanning code application.
Ang nahisgutan nga QR Code scanning ipatuman sa border control points, business establishment, tulunghaan, simbahan ug uban pa.
Gipanghatag na sab ang nahisgutang Digital contract tracing system (DCTS) form ngadto sa mga barangay alang sa technical reviews sama sa encoding of names ug sorting of data.
Gawas niini, magpahigayon sab ang mga opisyales og online registration aron dili na mamroblema ang mga dili residente nga bu-ot muadto sa Davao Oriental lakip na sab niini ang mga Overseas Filipino Worker (OFW) ug locally stranded individuals.
