DAVAO CITY – Gilimod ni Communal Barangay Captain Mark Galvez ang pasangil nga matud pa gipasagdan nila ang mga residente nga apektado sa house lockdown gumikan sa COVID-19.
Sumala sa pamahayag ni Kapitan Galvez, gilockdown ang usa ka boarding house sa Prk 8, Communal nga gipuy-an sa 7 ka mga indibidwal gumikan nga nakahimamat kini og COVID-19 positive patient.
Gitino ni Kapitan Galvez nga gilayon nga nagpadala og ayuda ang barangay ngadto sa mga apektado.
Gani, nagpabilin matud pa nga aktibo ang opisyales sa nahisgutang barangay sa mga panginahanglan sa mga naapektohan niining ginsakpan.
Apan gawas sa nahisgutan nga boarding house, aduna sab pipila ka bahin sa barangay ang naka lockdown.
Hinoon, gipaniguro sa opisyal nga kontrolado nila ang maong sitwasyon.
