DAVAO CITY – Ipahigayon karong adlawa, alas nuebe sa buntag, ang 4th National Simultaneous Eartquake Drill dinhi sa dakbayan sa Dabaw.
Kahinumdoman nga na kansela ang maong eartquake drill kaniadtong milabay nga Nobyembre 12, 2020 gumikan sa pag igo sa Bagyong Ulysses diin daghanang mga lugar sa Luzon ang apektado sa maong bagyo lakip na ang pagkaguba sa internet connection diin usa kini sa kinahanglan alang sa virtual nga aktibidad.
Bisan paman nga naka ‘work from home’ set-up ang Office of the Civil Defense Region XI, gipangandaman gihapon ang maong aktibidad.
Sumala ni OCD XI Information Officer Angelyn Payosalan, bisan paman nga late notice ang maong aktibidad, naka andam na sila gumikan na adopt na nila ang new normal set-up.
Giawhag sa OCD XI ang mga nagkadaiyang sektor nga mupartisipar sa maong aktibidad pinaagi sa Facebook page sa ahensya.
