DAVAO CITY – Motuman sumala pa ang dakbayan sa Dabaw kung unsa man ang rekomendasyon sa Inter-Agency Task force.
Kini ang tubag ni Davao City Mayor Inday Sara Duterte-Carpio human girekomenda ni National Task Force Against COVID-19 implementor Sec. Carlito Galvez Jr., nga ibalik ang syudad sa Dabaw sa General Community Quarantine (GCQ) status gumikan sa padayon nga pagsaka sa kaso sa COVID-19.
Sumala ni Mayor Inday, ginahulat na lamang karon sa syudad ang mga dokumento alang sa hingpit nga pagpatuman niini.
Ang rekomendasyon ni Galvez ang may kalabutan sa padayong pagsaka sa kaso sa makamatay na kagaw dinhi sa syudad diin subay sa datos sa Department of Health XI gikan Nobyembre 4, gikatala ang 1,625 ka kaso sa dakbayan apan kaniadtong Nobyembre 17 lamang misaka sa 2,253 ang kinatibuk-ang ihap niini diin nadungagan og 38% o 628 sulod lamang sa 13 ka adlaw.
Sa maong ihap, 1,744 ka kaso ang gikan sa Davao City.
Gisugyot sab ni Galvez nga ipailalom sa istrikto nga quarantine protocols ang kapin 20 ka mga high risk barangay sa dakbayan aron makontrola ang pagtaas sa kaso sa COVID-19.
Gisugyot sab ni Galvez sa Department of Health Region XI nga mas pakusgan pa ang contract tracing ug mas pahugtan pa ang pagpatuman sa mga health protocols.
Ang pamahayag ni NTF Against COVID-19 Sec. Carlito Galvez Jr.
