DAVAO CITY – Gipasalig sa mga sakop sa Vices Regulation Unit (VRU) ingon man sa Business Bureau nga padayon nila nga tutokan ang mga vendors nga masinupakon sa balaod.
Kahinumduman nga girumbo sa mga personahe sa nahisgutan nga mga buhatan ang mga naninda sa Southern Philippines Medical Center (SPMC) ug gipangkumpiska ang gipangtinda nga mga sigarilyo.
Sumala pa kang Jalyn Rareja, staff sa VRU, nakadawat sila ug reklamo nga ginatugutan sa mga vendors sa lugar nga makapanigarilyo ang ilang mga kustomer bisan nga hugtanon kini nga gidili.
Una na sab nga nasayran sa Business Bureau nga sagad sa mga maninda sa lugar ang wala sumala pay gihuptan nga mga Business permit.
Hinuon gihatagan pa og kahigayonan ang mga vendors sa lugar nga asikasuhon ang mga gikinahanglan nga mga rekisitos ug kung padayon sab nga mosupak ang mga nahisgutan sa balaod, hayan nga pasirad-an na nila kini.
Pahayag ni Jalyn Rareja, staff sa VRU.
