DAVAO CITY – Duruha ka mga magbabalaud nga taga dakbayan sa Davao ang mi-lobby sa wage increase alang sa mga nurses sa private sector kini aron maawhag pa ang mga nahisgutan nga magpabilin sa nasod ug dili mag-abroad.
Nasayran nga sila si Deputy Speaker ug Davao City 1st District Rep. Paolo Duterte ug Dumper PTDA partylist Rep. Claudine Diana Bautista, kaabag si ACT-CIS partylist Rep. Eric Go Yap ang miduso ug House Bill (HB) No. 7569 or the “Minimum Wage for Nurses in the Private Sector Act of 2020.”
Tumong niini nga mahatagan ug direktiba ang Department of Labor and Employment (Dole) nga ipatuman ang minimum wage alang sa mga nurses sa pribadong hospital.
Angayan sab sumala pa nga iduso ang maong balaudnon isip tubag sa pagpaningkamut sa mga nurse apan makadawat lamang ug ubos nga kompensasyon kung itandi sa mga nanarbaho sa public sectors.
Subay sa report gikan sa Bureau of Local Employment of Dole, ang mga registered nurses makadawat lamang ug P9,757 per month nga sweldo o mas ubos sa sweldo sa mga minimum wage earner.
Angayan sumala pa nga makadawat ang mga nahisgutan ug Salary Grade 15 nga suweldo gikan sa ,845 hangtud na P30,531 matag bulan depende sa class sa usa ka siyudad o munisipalidad.
