DAVAO CITY – Gipailalom kagahapong adlawa sa Davao City health team sa screening ug rapid test ang 300 ka mga vendors ug Agdao Public Market isip kabahin sa coronavirus contact tracing sa lokal nga kagamhanan.
Gihimo ang nahisgutan nga lakang human ang pagpasara sa Agdao Public Market human nga unom ka mga pasyente nga adunay travel history sa maong palengke ang nagpositibo sa coronavirus.
Gikanayong ang mga personahe sa City Health Office (CHO) team sa pagpanguna sa ilang head nga Dr. Josephine Villafuerter ang mikuha ug swab samples gikan sa mga tawo aron nga i-proseso sa real-time polymerase chain reaction (RT-PCR) machine.
Gikanayong pito ka adlaw nga sirad-an ang Agdao Public Market alang sa disinfection ingon man sa ipahigayon nga ebalwasyon sa Epidemiologist and Infectious Disease Specialist doctors.
Hinuon gipasalig sa lokal nga kagamhanan nga hatagan ug food assistance pinaagi sa City Social Welfare and Development Office (CSWDO) ang mga apektadong vendors ug mga mamumuo sa palengke. Sumala sa Covid-19 Risk Assessment sa dakbayan sa Davao, ang Agdao Public Market giila isip High-Risk area alang sa Covid-19 sanglit nahimutang kini sa Barangay Agdao Proper.
Gikanayon sab ni Villafuerte nga gihimo ang maong lakang human nga nagtakod-takod na ang virus gikan sa mga nanag-iya sa tindahan ngadto na sa ilang mga helper ug sa mga customer.
