DAVAO CITY – Hugtanong gibutyag sa Police Regional Office (PRO) 11 nga nagpadayon karon ang ilang operasyon batok sa illegal nga druga luyo sa nasinatian nga corona virus disease.
Sumala pa kang PRO 11 regional director Police Brig. General Felmore Escobal, nga sukad Marso 14 hangtud May 5, 2020, mikabat na sa P6.5 milyon nga kantidad sa shabu ang ilang nakumpiska samtang P35,500 nga kantidad usab sa marijuana.
Anaa na sab sumala pa sa 170 ka mga anti-illegal drug operation ang gilusad sa kapulisan nga hinungdan sa pagkasikop sa 260 ka mga indibidwal ug anaa sa lima usab ang namatay human nga mipakita ug pagsukol.
Gipasalig sa kapulisan nga dili sila moundang hangtud nga dili sab mohunong ang mga indibidwal nga nalambigit sa susama nga mga aktibidad.
