DAVAO CITY – Padayon nga gibantayan karon sa ahensiya sa Department of Trade and Industry (DTI) 11 ang mga nag-unang supermarkets ning dakbayan sa Davao aron nga dili mapahimuslan sa mga nahisgutan ang presyo sa mga nag-unang palaliton.
Dili buot sa ahensiya nga magpahamtang ug dugang presyo sa mga nag-unang palaliton karong panahon sa krisis gumikan sa pagkuyanap sa Corona Virus hinungdan nga gibantayan karon sa pag-ayo sa ahensiya ang mga dagkong tindahan sa dakbayan.
Sumala pa kang Maria Belenda Ambi, regional director sa Department of Trade and Industry (DTI)-11, nga dili magpanuko ang ahensiya nga moduso ug reklamo batok sa mga tindahan nga sobra ang gipahamtang nga presyo sa ilang mga tinda o wala na kini nahasubay sa Suggested Retail Price (SRP).
