DAVAO CITY – Napasakahan na ug kaso ang usa ka 36 anyos nga lalaki kinsa malampuson nga nasikop sa mga sakop sa Sta. Cruz MPS kaabag ang uban pang security unit atol sa ilang gilusad nga Drug Buy Bust operation sa Prk Perlas, Brgy Bato, Sta. Cruz, Davao del Sur.
Naila ang dinakpan nga usa ka RONALD NOTARTE BADERAS alyas balong, 36 anyos, ulitawo, kanhi miyembro sa Philippine National Police(PNP) ug residente sa Prk 6, Barayong, Magsaysay Davao del Sur.
Narekober sa iyang posisyon ang tulo ka gagmay shabu, P1,000 nga salapi, usa ka unit sa cellphone, usa ka disposable lighter color orange.
Ang nasikop nga suspek kalakip sumala pa sa listahan sa Directorate for Intelligence watchlist isip Street Level Target.
Nagpabilin kini karon sa kustodiya sa Sta Cruz MPS alang sa tukma nga disposisyon ug naghulat na lamang kung kanus-a taralon sa kaso nga iyang gi-atubang.
