DAVAO CITY – Gipagawas na sa Digos City Police office ang cartographic sketch sa suspect nga mipusil sa District Engineer sa DPWH sa Davao del Sur nga si Engr. Nicomedes Parilla kagahapong adlawa.
Subay sa nahimong description sa witness, gihulagway ang suspect nga gibana-bana nga nagtimbang kini ug 60 ngadto sa 64 kilo; ug nagbarug ug 5’4 nga gitas-on; itumon ang pamanit; payaton ang panglawas; nagsol-ob ug itom nga jacket; pantalon nga maong; nagsul-ob ug itom nga kalo nga adunay pula nga stripes.
Kahinumduman nga pasado alas otso kagahapon sa buntag sakay si Engr Parilla sa iyang itom nga pick up kauban ang iyang driver nga si Jerry Calida sa dihang gituparan ug motor nga adunay sakay nga duha ka mga lalaki, diin ang angkas niini maoy mipusil kaniya sa makadaghang higayon sa may Lapu-lapu super highway digos city – dili lamang kaayo layo sa iyang gitrabahuan sa DPWH district engineering office.
Sa karon, nagpaayo na sa iyang mga samad si Engr Parilla sa usaka ospital sa Digos City. Dili pa usab ma-establisar kung unsa ang motibo sa krimen.
