-- ADVERTISEMENT --
Gigtugyan sa DCPO 1st City Mobile Force Company ang Children’s Book Lounge sa Barangay Baganihan, Marilog District, Davao City, niadtong Oktubre 9, 2026, isip kabahin sa Oplan Kaisang-Bisig sa Kaalaman 2026.
Gipangulohan ni PLTCOL Daisy G. Torres, Force Commander sa 1st CMFC, ang maong kalihokan nga nagtumong sa pagpalambo sa interes sa pagbasa ug pagkat-on sa mga kabataan.
Pinaagi sa maong inisyatibo, gilauman nga mas mapadali ang access sa mga libro ug materyales sa edukasyon, ilabina alang sa mga bata sa hilit ug kulang sa serbisyo nga mga lugar.
Gitumong sa kapulisan ang kamahinungdanon sa panag-uban sa komunidad ug mga kaabag aron mapalambo ang edukasyon ug makatampo sa mas malinawon ug mas maayong kaugmaon sa mga kabataan.
