-- ADVERTISEMENT --
Nakahimo og kasarangang kusog nga pagbuto ang Kanlaon Volcano alas 12:46 sa udto karong Oktubre 10, 2026, nga nagpagawas og abo nga mikabat sa lima hangtod unom ka kilometro ibabaw sa summit crater.
Base sa visual recordings gikan sa Lower Masulog Station ug Pandanon Station IPCameras, ang abo misaka sa kahanginan sa wala pa maanod paingon sa amihanan-amihanan-sidlakan.
Nagpabilin sa Alert Level 2 ang Kanlaon Volcano, nga nagpasabot nga adunay padayong kagubot sa bulkan ug posible ang kalit nga pagbuto.
Gipahimangnoan ang publiko nga magpabiling alerto ug mosunod sa mga pahimangno sa mga otoridad kalabot sa kalihokan sa bulkan.
