DAVAO CITY – Subling nanawagan si Norman Baloro, High Priority Bus System (HPBS) Social Development Program Committee in charge ngadto sa mga PUJ drivers ug operators nga pahimuslan ang tabang nga ihatag sa mga nahisgutan sa lokal nga panggamhanan sa higayon nga ipatuman na ang transport modernization program sa dakbayan.
Sa kasamtangan aduna na matud pay pipila ka mga drivers ang miadto sa buhatan sa HPBS office nga nahimutang sa second floor sa Pasalubong Center sa Palma Gil St. ning siyudad kini aron nga mangutana kung unsa pa ang mga programa nga gitagana alang kanila.
Sumala pa kang Baloro nga abli ang ilang buhatan Lunes hangtud Biyernes, sugod alas siete sa buntag ngadto na sa alas singko sa hapon.
Apan kung magpagula og kamandoan si Davao City Mayor Inday Sara Duterte-Carpio nga i-extend ang pag-cater sa mga PUJ ug operators, andam nila nga lugwayan kini hangtud Sabado ug Dominggo.
Subli sab nga nanawagan si Baloro ngadto sa mga operators nga dili na ibaligya ang ilang prangkisa ngadto sa uban.
Pahayag ni Norman Baloro, High Priority Bus System (HPBS) Social Development Program Committee in charge.
