DAVAO CITY – Tulo ka bulan nga naapektohan sa pag-igo sa serye sa linog, hinay-hinay na matud pa karon nga mibangon ang munisipalidad ug mga residente sa Davao del Sur.
Una ng gibutyag ni Mayor Arthur Davin nga pipila pa gihapon sa mga residente ang anaa gihapon sa temporary evacuation sites apan mayorya sa mga nahisgutan ang mibalik na sa ilang mga umahan aron nga adunay mapakaon sa ilang mga pamilya.
Kahinumduman nga daghanan sa mga residente sa lalawigan ang nawad-an og panimalay atol sa sagunson nga linog sa milabay nga tuig ug daghanan ang nagpabilin sa evacuation centers human nga gideklara ang ilang mga barangay isip no-build zones sa Mines and Geosciences Bureau (MGB).
Pipila niini mao ang area sa Sitio Labidangan sa Barangay Bala ug Tagaytay sa nahisgutan nga lalawigan.
Hinuon gikanayon ni Mayor Davin nga sa kasamtangan hinay-hinay na nga nakabangon ang mga residente sa sitwasyon ug gipaningkamutan nga mabalik sa normal ang ilang kinabuhi.
